Logopedia

Logopedia ta e disciplina cu ta compronde e procesonan di e comunicacion humano y e trastornonan cu ta relaciona cu ne.
Logopedista ta uza e conocemento di tecnica y medionan pa preveni, evalua y trata e trastorno y desordennan di comunicacion.

Logopedia ta interveni den tur etapa di bida di un hende; for di baby /infante cu necesidad di stimulacion trempan, te hasta alteracion/desorden/problema di comunicacion den adolescente, adulto y hende grandi.

Logopedia tin como meta mehora e funcionnan di habla y lenguahe, optimalisa e capacidad di e mucha/cliente pa comunica y logra realisa funcionnan pre-fonica manera (chupa, guli, morde y kauw) mehorando asina e calidad di nan bida.

Logopedia tambe ta brinda orientacion y guia pa mayor por stimula e lenguahe y comunicacion di nan yiu.

S.V.G.A. ta conta cu 1 logopedista cu ta brinda e apoyo na maestro(a) y guia y tambe duna terapia na e clientenan cu tin e necesidad riba e tereno aki. Tambe e logopedista ta duna conseho na mayor con pa stimula e cliente riba e tereno specifico aki.