Pasadia Briyo di Solo

p6170077

Informacion general

Briyo di Solo ta un departamento cu por duna atencion na 60 cliente. Clientenan cu ta bishita Briyo di Solo ta clientenan adulto, edad riba 16 ana cu un deficiencia intelectual. Pasadia tin 5 grupo, den cada grupo tin 12 cliente y 2 guia.

  • Briyo di Solo su metanan pa e clientenan ta pa intregacion den comunidad di Aruba.
  • Stimula actividad creativo, di musica y tambe trabao di cas.
  • Pa e clientenan bira mas independiente posibel y/of mantene loke ya caba nan a siña.
  • Stimula y mantene e aspecto social y tambe cuido propio.

Programma /actividadnan

Na aña 1987 henter e structura di Briyo di Solo a cambia, prome cu esey e clientenan ta keda henter dia den nan grupo (leefgroep) pa haci nan programa.
Mas actividad a wordo agrega y tin 3 dia parti mainta cu tin actividad cu clientenan ta bay otro grupo serca otro guia.
Ta tene cuenta kico e cliente ta desea y tambe kico e cliente por haci pa hunto cu e guianan ta evalua cual actividad lo ta bon pa e desaroyo di e cliente. Tur cliente tin su metanan individual cu ta wordo evalua cada aña hunto cu psicologo di S.V.G.A.
Riba diamars. diaranzon y diahuebs mainta e cliente ta haci actividad manera:

  • laba /colga paña
  • dobla paña
  • trabao di cas
  • trabao cu mata
  • obra di man
  • kapsalon(cuido propio manera laba cabey, pinta huña)
  • grupo social
  • grupo special

E otro dianan e clientenan ta den nan mes un grupo. Pa e clientenan cu nivel hopi abao e programa ta wordo adapta na nan nivel, manera cu programa cu ta stimula nan sentidonan, cushina, snoezelruimte, kapsalon y cana. E clientenan cu motorico fini ta wordo stimula door di programa manera traha puzzels, pinta den linea y prik ariba linea. Clientenan ta wordo guia den grupo y individual. Den tur e añanan cu a pasa Briyo di Solo a desaroya hopi, manera e tin su mes un Gazebo cu e clientenan ta uza diariamente, snoezelruimte cu clientenan ta uza pa relaha y tambe pool cu tur grupo ta haci uso di dje.

 

Actividad di den grupo (leefgroep)

“Leefgroep” ta consisti di 12 cliënte y 2 guia. Cada grupo tin nan mesun programa. Actividad brinda den e “leefgroep” ta: combersa den grupo, obra di man, intergracion den nos comunidad, pool, snoezelruimte, wak television/pelicula, haci wega recreativo, wega di mesa. Den “leefgroep” ta duna guia individual (segun e necesidad y desaroyo di e cliente) y tambe ta encera cuido personal.

Den tur grupo tin computer cu e guianan ta traha nan relato di tur cliente, manera logboek, plan di guia, bishita di cas y tambe evaluacion di cliente. E relatonan aki ta wordo uza ora tin reunion di cliente hunto e psicologo y e mayornan, pa despues e guianan por sigui traha ariba e desaroyo di e clientenan di Pasadia Briyo di Solo.

Personal di Pasadia Briyo di Solo ta consisti.

  •   1  Hefe di departamento
  • 10  Lider di grupo
  •   1  Trahador domestico

Pasadia Briyo di Solo

Piedra Plat 97-A
Paradera, Aruba

Tel: +297 522-7858
Fax: +297 522-7850
E-mail: [email protected] / [email protected]