Grupo social pedagogico

Grupo Social Pedagogico

Ondersteuningscentrum

“Ondersteuningscentrum” (centro di guia y sosten pa personal, e clientenan di S.V.G.A. y nan famia) ta e departamento unda e ortopedagogo y e psicologo ta ubica. E ortopedagogo y e psicologo ta forma parti di e grupo social pedagogico. E trahador social, logopedista y e “sportleider” tambe ta forma parti di e grupo social pedagogico. E ultimonan aki tin nan oficina/gymzaal na un otro caminda riba e tereno di S.V.G.A.
Un parti di e “ondersteuningscentrum” ta keda uza como oficina y un parti como lugar pa haci investigacion psico-diagnostico, duna guia y sosten na personal, cliente y nan famia ora esaki ta necesario, tene atardi di informacion pa personal y stagiaire. Den “ondersteuningscentrum” tambe tin un biblioteca, unda personal di S.V.G.A., otro instansia y stagiaire por haci uzo di esaki.

spg1

Grupo Social Pedagogico (S.P.G.)

S.P.G. tin bou su encargo admicion y “doorstroming” di cliente na e diferente departamentonan.
S.P.G. ta vigila e progreso di e reunionnan di cliente riba e diferente departamentonan.
S.P.G. ta duna conseho riba maneho di guia y cuido di fundacion.
S.P.G. ta tene contacto cu otro instancianan.

Ortopedagogo

E ortopedagogo ta uza su experticio pa yuda e departamentonan, cu tin cliente bou 16 aña bou di nan encargo, atende cu casonan complica di un forma metodico. E ortopedagogo tin actualmente banda di su tarea como ortopedagogo, tambe e tarea di director suplente. Como director suplente, e ortopedagogo ta sostene e director di S.V.G.A. den su tareanan y na momento cu e director ta ausente pa motibo di p.e. vacacion, e ta resposabel pa tur asunto riba e tereno di cuido na S.V.G.A. y ta atende cu instancianan externo.

E ortopedagogo tin e.o. como tarea:

  • Haci investigacion psicologico, pedagogico y didactico.
  • Haci investigacion di e casonan (hopi) complica riba e departamentonan cu ta traha cu mucha y hoben y asina traha un plan di ayudo cu e lider di grupo/maestro lo mester bay implementa.
  • Duna guia y sosten na e personal den cuido a base di e sistema di siguimento digital y plan di guia di e clientenan.
  • Ora ta necesario haci observacion.
  • Tene reunion di cliente y reunion riba nivel di departamento.
  • Contesta pregunta y duna informacion na mayor (interno of externo) y tambe na otro instancia.
  • Guia of tene combersacion cu famia y mayor (na cas of riba departamento).

spg2

Psicologo

E psicologo ta uza su experticio pa yuda e departamentonan cu tin cliente riba 16 aña bou di nan encargo, atende cu casonan complica di un forma metodico.
E tareanan como psicologo ta encera:

    • investigacion di e casonan (hopi) complica riba e departamentonan cu ta traha cu personanan adulto y asina traha un plan di ayudo cu e lider di grupo lo mester bay implementa.
    • Duna guia y sosten na e personal den cuido a base di e sistema di siguimento digital y plan di guia di e clientenan.
    • Ora ta necesario haci observacion.
    • Tene reunion di cliente y reunion riba nivel di departamento.
    • Contesta pregunta y duna informacion na mayor (interno of externo) y tambe na otro instancia.

Guia of tene combersacion cu famia y mayor (na cas of riba departamento).

Guia en corto

Cada cliente tin un plan di guia. A base di e plan di guia tur persona y mayor envolvi den e cuido y guia di e cliente ta reuni pa papia riba e desaroyo di e cliente. Pa duna guia psicologico y pedagogico ta haci uzo di e plan di guia pa duna tips con pa sigui cu e cliente riba tur area di desaroyo y tambe pa traha y/of evalua metanan pa e siguiente periodo pa e cliente. Tambe ta sigui e cliente pa medio di e sistema digital. En corto, e psicologo y ortopedagogo ta monitor e progreso con cada cliente ta desaroya.

Up-to-date

E psicologo y ortopedagogo ta tene nan mes na altura di e ultimo desaroyonan riba e tereno di personanan cu un limitacion intelectual door di atende charla, congreso y workshops nan na Aruba y den exterior.
Tambe nan ta abona riba diferente revista y ta lesa diferente literatura cu tin di haber cu e grupo meta.

A CHILD IS LIKE A BUTTERFLY
IN THE WIND.
SOME CAN FLY HIGHER THAN
OTHERS,
BUT EACH ONE FLIES
THE BEST IT CAN.
WHY COMPARE ONE AGIANST
THE OTHER?
EACH ONE IS DIFFERENT.
EACH ONE IS SPECIAL.
EACH ONE IS BEAUTIFUL.

Piedra plat 97-B
Tel: 522-7862 / 522-7854