Scol Dununman ta un scol basico di enseñansa special pa alumnonan cu hopi dificultad pa siña. (Zeer Moeilijk Lerende Kinderen) E scol ta situa na Piedra Plat 86B. Scol Dununman ta forma parti di e Fundacion Stichting voor Verstandelijk Gehandicapten Aruba (S.V.G.A.)
Scol Dununman ta un scol pa alumnonan cu hopi dificultad pa siña cu tin un IQ di entre 50 pa 60. Nos alumnonan ta di edadnan 4 te cu 16 aña cu tin un atraso den nan parti cognitivo, social-emocional y limitacionnan fisico. Pa e motibo aki ta hopi dificil pa formula un descripcion cu ta conta pa tur alumno.
Meta
E meta di Scol Dununman ta pa ofrece enseñansa y guia adapta na e alumno caminda ta tene cuenta cu su nivel y posibilidad. Integracion y funcionamento optimal den nos comunidad ta hunga un rol esencial.
Organisacion di scol
Scol Dununman ta parti den tres parti caminda tin:
Formacion basico:
- grupo 1: alumnonan di 4 pa 6 aña
- grupo 2: alumnonan di 6 pa 8 aña
- grupo 3: alumnonan di 8 pa 10 aña
E alumnonan cu ta sigui e formacion basico tin e edad di 4 pa 10 aña. Nan ta haya un formacion intensivo riba e aspecto social-emocional, abibilidad di yuda nan mes, creatividad y tambe e condicionnan pa skirbi, lesa y rek na un forma ludico. Na momento cu e alumno cumpli 10 aña, e ortopedagogo lo evalua su IQ. E resultado di nan IQ den combininacion cu combersacion cu ortopedagogo y observacion di maestronan lo stipula e ruta di siñamento cu e alumno lo mester sigui den e formacion practico.
Formacion practico:
- grupo 4: alumnonan di 10 pa 12 aña
- grupo 5: alumnonan di 12 pa 14 aña
E alumnonan cu ta drenta den e formacion practico tin e edad di 11 pa 14 aña. Nan ta haya un formacion intensivo riba e aspecto cognitivo y practico pa nan por funciona den e comunidad optimalmente. Ta ofrece e parti basico di e materianan di skirbi, lesa, rek y alabes cuminsa practica tareanan cu nan por haci pa yuda nan mes den cas. Sexualidad y uza medionan di comunicacion na un forma responsabel y sano ta bira e liña cora den e curiculo.
Formacion practico avansa:
- grupo 6: alumnonan di 14 pa 16 aňa
E alumnonan den e formacion practico avansa tin e edad di 15 pa 16 aña. Durante nan ultimo dos añanan, nan lo haya un preparacion debido pa nan por drenta e siguiente fase di nan bida na Briyo di Solo, Man na obra of e sector laboral. E alumnonan lo haya oportunidad di pasa nan pasantia na e diferente departamentonan y of compania caminda nan lo practica e trabou. Na mesun momento nan ta keda haya e materianan di skirbi, lesa y rek pero na un manera mas practico di manera cu por uza esaki den nan bida diario.
Materianan / lesnan cu ta wordo duna
- idioma lesa
- matematica
- orientacion den tempo
- orientacion den espacio
- obra di man
- naturalesa y tecnologia
- musica y movecion
- drama
- movecion y salud (gym)
Desaroyo basico
- integracion
- material di desaroyo
- motris y sentido
- abilidadnan social
- siña siña
- medio social
- ayudo propio
- practica paden
- practica pafo
Cuido di alumno
E meta di un structura di cuido di alumno ta pa percura cu e alumnonan ta sigui enseñansa sin problema y cu nan ta disfruta di un enseñansa di calidad. Na final mester logra saca e miho di e alumno y asina yega na un rendimento di enseñansa optimal.
Departamento di Enseñansa a traha riba un documento riba peticion di Minister di Enseñansa caminda ta splica con e cuido di alumno na e scolnan primario y secundario lo mester ta. Pa enseñansa primario esaki ta encera:
- Prome liña, den e scol mes.
- Di dos liña, cuido externo manera centro Multidisciplinario y SPG di SVGA pa diagnostica y guia.
- Di tres liña, ta instancianan cu ta duna tratamento y of cu ta sirbi como internado.
E funcion di e structura aki ta pa traha preventivo y garantisa bon enseñansa caminda ta acopla e necesidad pedagogico-didactico na esun di e alumno, cual ta responsabilidad di e maestro.
E structura interno di Scol Dununman lo percura pa:
- alumnonan cu banda di e cuido normal ta haya e extra ayudo cu e tin mester di dje.
- guia funcionamento di e maestro, caminda ta duna sosten na e maestro pa optimalisa e desaroyo pedagogico didactico di tur alumno riba tur tereno.
Personanan cu ta forma parti di e structura aki ta e maestro, e assistent, un IB-er (Interne begeleider) cu lo ta encarga cu duna sosten pedagogico didactico na e maestro y e cabesante. E ekipo di cuido lo traha hopi di cerca cu SPG cu ta forma parti di e structura di SVGA.
Contacto cu mayor
Scol Dununman kier traha mas hopi cu ta posibel cu mayornan.
Esaki ta positivo den bienestar di e progreso di e alumno.
Rondleiding: Mayornan di un alumno cu a keda admiti lo haya un splicacion y lo cera conoci cu e scol. Nan lo cera conoce cu e klas den cual e alumno lo bay y si por cera conoci cu e maestro y assistant.
Anochi informativo: Na comienso di aña escolar ta tene un anochi informativo pa mayornan. Durante anochi aki mayornan ta haya informacion di e materianan cu ta duna na scol, e forma con e expertonan ta traha cu e alumnonan y con ta spera cu mayornan ta coopera cu scol. Tambe scol ta organisa anochinan informativo caminda mayornan ta haya informacion di cierto temanan cu ta relacion di educacion di alumno y of syndroom/problema cu alumnonan por tin y con mayornan por anda cu nan.
Reunion di alumno: Un biaha pa aña of cada dos aña ta reuni cu mayornan, ortopedagogo, maestro, assistent, maestro di guia y e profesionalnan y/of instancianan cu ta traha cu e alumnonan. Durante e reunion aki ta duna e mayor un relato y e plan di guia cu a traha pa e alumno y palabra con mayornan por sostene scol. Na final di e aña escolar e maestro y assistent ta duna mayornan un splicacion di e rapport cu e resultado di e alumno. Mayornan semper por haci un cita pa papia cu e maestro y/of directiva di scol.
Schrift di contacto: Maestronan ta traha cu un schrift di contacto pa e desaroyo y progreso di e alumno. Alabes mayornan por informa maestronan di e desaroyo na cas y of di e yiu. Di e forma aki ta traha hunto na e bienestar di alumno.
Enseñansa obligatorio (Leerplicht)
Desde 1 di december 2012 a drenta na vigor e ley di enseñansa obligatorio pa muchanan di 4 te cu 16 aña. Cu e ley aki e gobierno di Aruba ta cumpli cu un di e derechonan di mucha cu ta e derecho riba enseñansa. Como e muchanan ta menor di edad, gobierno lo percura pa nan bay scol. Pa controla esaki a institui Bureau Leerplicht. E departamento aki ta encarga pa controla cu e muchanan no por keda cas sin mas of biaha ora tin scol.
E team di Scol Dununman ta consisti
- 1 Cabesante
- 1 Cabesante suplente / IB’er
- 8 Maestro
- 9 Assistent
- 1 Personal di limpiesa
Scol Dununman
Piedra Plat 86-B
Paradera, Aruba
Tel: +297 522-7852 of +297 522-7856
Fax: +297 522-7850
E-mail: [email protected]